هلا
كيفكم يا غاليين
اليوم حبيت اجيبلكم وصفة كيكة عالسريع انا قرأتها وجربتها
ومن تجربتي للكيك على المايكروويف وبعد ما لاقيت طعمها كتير زاكي ومن دون مبالغه حبيت انزلها على هادا القسم
يلا نبدا
بتجيبي 1 كوب زيت ذرة بتخلطيه مع 1 كوب سكر + 1 كوب حليب +كوب كاكاو
وبتخلطيهم بشوكة لحتى يتمازج المزيج .
بتقسمي المزيج لقسمين بنسبة ثلثين بثلث
بتتركي الثلث وبتكملي الوصفة مع الثلثين
بتضيفي للثلثين 3 بيضات + ظرف بيكنغ باودر + ظرف فانيليا + 1 1/2 كوب طحين (كاسة ونص )
وبتجيبي
صحن بيركس بناسب حجم المايكروويف وبتدهني بزيت ورشة طحين لحتى ما يلزق
وبتفضي المزيج فيه ليغمر أقل من نص الصحن لأنه بينفش كتيير
بتعيري 8
دقايق عادي , وبتلاقي الكيك بلش ينفش ويكبر , وبعد ما تنتهى ال 8 دقايق
دخلي عود خشبي بنص الصحن وإذا حسيتي أنه لسا عم يعلق فيه من المزيج زيدي من
عندك 30 ثانية وهيك لحتى تحسيه نشف تماماً وبدون سائل . وطبعاً هالشي بعود
لنوع المايكروويف ولحجم الصحن وغيره
بس انتبهي لأنك
إذا زدتي الوقت عن المطلوب بصير كتيير قاسي متل الحجر يعني 11 دقيقة
بتسويه قاسي ... لهيك جربي 8 دقايق وبعدها حسب الضرورة بتزيدي 30 ثانية أو
أقل .......
وبعد ما يبرد الكيك ... بتوزعي عليه الثلث الأول اللي خبيتيه من أول الوصفة " رح يفكروه العالم نوع فاخر من الشوكولا !! "
وتركيه بالبراد فترة بسيطة وبعدها قسميه وضيفيه مع الشاي ... وصحتين عقلبك .
الكيك كتيير خفيف وبناسب اللي بده تخفف وزنها
بالهنا
الإثنين يوليو 29, 2013 10:37 pm من طرف 
